चैत्र कृष्ण औँसीका दिन प्रत्येक वर्ष मनाइने घोडे जात्रा पर्व आज विभिन्न कार्यक्रमसहित काठमाडौँ उपत्यकामा मनाइँदैछ। यस अवसरमा सरकारले उपत्यकाभर सार्वजनिक बिदा दिएको छ।
जनविश्वासअनुसार टुँडिखेलको पूर्व–दक्षिण दिशामा रहेको एउटा रूखमा बस्ने ‘गुरुमापा’ नामको राक्षसले सहरका बालबालिकालाई दुःख दिने गरेको विश्वास गरिन्छ। स्थानीयवासीले विभिन्न उपाय अपनाएर उक्त राक्षसको अन्त्य गरे पनि यसको प्रेतात्माले पुनः अनिष्ट गर्न सक्ने डर रहिरहेकाले हरेक वर्ष घोडेजात्रा मनाउने परम्परा रहिआएको हो।
यस दिन घोडा दौडाएर राक्षसको आत्मालाई दबाउने विश्वास छ। साथै आज राति सोही स्थानमा गुरुमापालाई खानेकुरा चढाउने चलन पनि छ। यसो गरेपछि वर्षभर बालबालिकालाई कुनै हानि नपुग्ने जनविश्वास रहेको छ।
घोडेजात्राका अवसरमा नेपाली सेनाले टुँडिखेलमा विशेष कार्यक्रम आयोजना गर्दै अश्वकला, मोटरसाइकल प्रदर्शन, शारीरिक व्यायाम तथा युद्धकलासम्बन्धी विभिन्न प्रस्तुति दिने गर्दछ।
यस पर्वलाई काठमाडौँ उपत्यकामा विशेष उत्सवका रूपमा मनाइन्छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
